Борбордук шайлоо комиссиясынын мүчөлөрү Жеңишбек Акматов, Болот Малабаев, Абджыпар Бекматов, Өнүгүү жана саясат боюнча эл аралык агенттиктин президенти Аликбек Жекшенкулов жана агенттиктин эки мүчөсү Орусиянын Мамлекеттик думасына депутаттарды шайлоого байкоочу катары катышышты. Жарандык коом коррупцияга каршы” укуктук борбордун төрайымы Төлөйкан Исмаилова болсо бейөкмөт уюмдардын өкүлдөрү Орусиядагы саясий абалга караганда, Кыргызстандагы саясий абал маанилүү дешип, Мамлекеттик думанын шайлоосуна байкоочу катары баруудан баш тартышканын билдирди. (AJ)
