Ирандагы Бушер өзөктүк станциясын куруп бүтүүнүн так мөөнөтү аныктала элек

Бул тууралуу Иран жана Орусиянын тышкы иштер министрлеринин сүйлөшүүсүнөн кийин маалым болду. Иран тышкы иштер министрлигинин өкүлү расмий Москва бул долбоорду аягына чыгарууга олуттуу мамиле жасайт деген үмүтүн билдирди. Вашингтон Орусиянын Бушер станциясын курууну токтотууга үндөп келет. АКШ - долбоор Ирандын өзөктүк курал чыгаруу мүдөөсүнүн бир бөлүгү деп эсептейт.