Бишкекте шайлоодогу мыйзам бузууларга нааразы болуп каршылык акциясына чыккан жаштарды милиция кармап кетти. Шайлоонун жыйынтыгына нааразы жаштар бүгүн саат 13.00дө БШК имаратынын алдына "Мен ишенбейм" деген ураан менен каршылык иш-чарасына чогулган эле. Аларды чогулаар замат тартип коргоо кызматкерлери мэрия митинг-пикет өткөрүүгө тыюу салган деген негизде кармап, Биринчи май райондук ички иштер бөлүмүнө алып кетишти. (EKa)
