КЫРСЫК БОЛГОН АЙМАКТА (Сүрөт баян)

Зилзаладан жабыркагандардын бир нече жолку талабынан кийин Жогорку Кеңеш спикери Адахан Мадумаров жетектеген депутаттык топ Ош областындагы табият кырсыгына кабылган Карасуу жана Ноокат райондоруна келип, эки күн бою кыдырышты. Табият кырсыгына кабылган эл менен жолукканда кыргыз парламентинин төрагасы Адахан Мадумаров жаратылыш катаклизминин тилкесинде жайланышкан айылдагыларды коопсуз жайларга күчтөп көчүрүүнү, алардын маселелерин комплекстүү чечүүнү, керек болсо көп кабаттуу үйлөрдү куруп, жабыркагандарды ошол квартираларга жайгаштырууну жергиликтүү бийликтен талап кылды. Социал-демократтар фракциясынын жетекчиси Бакыт Бешимов өтө шашыштын кажети жоктугун, опурталдуу кыштактарды ар тараптуу иликтөө зарылдыгын, көп кабаттуу тамдардын шартына элет эли оңойлук менен көнбөстүгүн белгиледи.