Дем алыш күнкү кол салуу талиптер кулатылган 2001-жылдан берки эң ири теракт болуп калды. Кандагардын губернатору Асадулла Халиддин айтымында ондогон жарадар болгон кишилердин абалы өтө оор. Бийлик жардыруу үчүн талип согушкерлери жооптуу деп эсептейт. Бирок козголоңчулар ага тиешеси жоктугун айтышууда. Улуттар уюмунун баш катчысы Пан Ки Мун жана Коопсуздук Кеңеши жардырууну айыпташты. Анын аралыгында ооган полициясы бүгүн ошол эле чөлкөмдө жардыруу болуп, кеминде 7 жайкын тургун мерт кеткенин маалымдады.
