Бүгүн Бишкекте кесиптик чеберчиликти жогорулатуу боюнча губернаторлор, акимдер жана шаар башчылары үчүн уюштурулган семинар ишин аяктады. Семинардын жыйынтыктоочу бөлүгүндө жергиликтүү бийлик башчылары премьер-министр Игорь Чудинов менен өлкөдөгү социалдык-экономикалык проблемаларды талкуулашып, ой-пикир алмашышты. Семинарга ар кандай баскычтагы 70 чиновник катышты. Жетекчи кызматкерлер үчүн мындай кесиптик семинар ушуну менен экинчи жолу өтүп жатат.