12:45 Орусияда кыргыз улутундагы орусиялык жаранды сабаган эки бала түрмөгө кесилди

28-апрель күнү Свердловск облусунун Нижний Тагил шаарынын соту орусиялык жарандар Сергей Суприков жана Леонид Дикийди 4 жана 6 айга түрмөгө камап, айыпталгандарды он алты миң рубль айып пул төлөөгө милдеттендирди. Мас болгон кылмышкерлер дүкөндө жубайы менен кыргызча сүйлөшүп жаткан кыргыз жигитке “Орусияда орусча сүйлөп жур!”, - деп сес көрсөтүп, сыртка чыкканда ур токмокко алышкан. Ал эми кыргыз жигит орусияда бир нече жылдан бери милиция кызматкери болуп иштеп келген. Бул тууралуу “prokuratura.ur.ru” интернет баракчасында маалымдалган. (ESu)