17-майда атактуу жазуучу уулу Элдар менен болгон баарлашууда, жолугушууну уюштуруучулардан кечирим суроону өтүнгөн. Айтматов Казанга “Кылым карытар бир күн” даректүү тасмасына тартылууга, Бурбаш айылына жана чоң таятасынын сөөгү коюлган Маскара деген жерге барууну пландаштырган. Бул тууралуу ТИМдин басма сөз кызматынан билдиршти. Маалыматка караганда Айтматовдун денсоолугунан кабар алганы барган Россиядагы Кыргызстандын элчиси Р. Аттокуров президент Курманбек Бакиевдин салам дубайын жолдоп, өлкө башчысынын жазуучунун абалына тынчсызданганын, ага ар тараптуу жардам көрсөтүүлө тургандыгын билдирген. Айтматовдун улуу уулу Аскар Айтматов болсо “24kg” маалымат агенттигине атасынын абалы оор экенин, ага мыкты адисттер көзөмөл кылып турушканын айткан. (AJ)
