Чыңгыз Айтматов Татарстанда өзү тууралуу тартылып жаткан “Кылымга тете күн” даректүү тасмасына тартылып жаткан учурда 16-май күнү бөйрөгү ооруп, Татарстандын республикалык ооруканасына жаткырылган. Кыргызстандын Орусиядагы элчиси Райымкул Аттокуров "Азаттыкка" Чыңгыз Айтматовдун 19-майдын түнүндө Германиянын Нюрнберг клиникасына жеткирилгенин маалымдады.
Чыңгыз Айтматовдун саламаттыгы боюнча кыргыз саламаттык сактоо министринин орунбасары Мадамин Каратаев мырза Татарстандын саламаттык сактоо министри Айрат Фаррахов менен байланышканын айтып, жазуучунун оорусунун диагнозу тууралуу буларды айтты:
-Чыңгыз Айтматов Татарстандын республикалык ооруканасынын реанимация бөлүмүнө бөйрөгүнүн чукул начарлашы менен түшкөн. Чыңгыз Айтматовду Нюрнбергге Москванын башкы нефрологу Татьяна Томилина баш болгон дарыгерлер коштоп барышты. Москвалык дарыгерлер Чыңгыз Айтматовдун оорусуна: септикалык шок же кандын инфекцияланышы, эки тараптуу пневмония жана бөйрөктүн чукул начарлашы деген диагноз коюшкан. Азыр Чыңгыз Айтматовдун абалы оор эле. Кудай деп туралы. Германиянын медицинасы күчтүү - өзүңүздөр билесиздер. Жакшы болуп кетет деп турабыз.
Мадамин Каратаевдин Бишкек-пресс борборуна берген маалыматында жазуучунун жанында жубайы, уулдары Аскар жана Элдар Айтматовдор бар экендиги айтылган. Чыңгыз Айтматовдун карындашы, белгилүү коомдук ишмер Роза Айтматова да жазуучунун жанында жубайы, балдары бирге болуп атышканын маалымдады.
Чыңгыз Айтматовдун саламаттыгы боюнча кыргыз саламаттык сактоо министринин орунбасары Мадамин Каратаев мырза Татарстандын саламаттык сактоо министри Айрат Фаррахов менен байланышканын айтып, жазуучунун оорусунун диагнозу тууралуу буларды айтты:
-Чыңгыз Айтматов Татарстандын республикалык ооруканасынын реанимация бөлүмүнө бөйрөгүнүн чукул начарлашы менен түшкөн. Чыңгыз Айтматовду Нюрнбергге Москванын башкы нефрологу Татьяна Томилина баш болгон дарыгерлер коштоп барышты. Москвалык дарыгерлер Чыңгыз Айтматовдун оорусуна: септикалык шок же кандын инфекцияланышы, эки тараптуу пневмония жана бөйрөктүн чукул начарлашы деген диагноз коюшкан. Азыр Чыңгыз Айтматовдун абалы оор эле. Кудай деп туралы. Германиянын медицинасы күчтүү - өзүңүздөр билесиздер. Жакшы болуп кетет деп турабыз.
Мадамин Каратаевдин Бишкек-пресс борборуна берген маалыматында жазуучунун жанында жубайы, уулдары Аскар жана Элдар Айтматовдор бар экендиги айтылган. Чыңгыз Айтматовдун карындашы, белгилүү коомдук ишмер Роза Айтматова да жазуучунун жанында жубайы, балдары бирге болуп атышканын маалымдады.
