Жанкечти өзүн ооган армиясына караштуу автоунаалардын жанынан жардырып жиберген. Өлгөндөрдүн экөөсү аскер, бирөөсү жаш бала. Ал эми жаракат алган беш адамдын бирөөсү полицей, калгандары жөн-жай тургундар. Окуя түштүктөгү Гильменд провинциясынын Мажра районунда болду. Рейтер агенттиги келтирген маалыматка караганда, быйылкы жылдын алты айындагы кыяначылыктардан Ооганстандын 700дөй жөн-жай тургуну каза тапты.
