Британ тышкы иштер министри Дэвид Милибэнд Орусиянын БУУнун Коопсуздук кеңешинин Зимбабвеге каршы резолюциясы боюнча позициясына "абдан ирээнжигенин" билдирди. Анын айтымында, Чоң Сегиздин Жапонияда болгон жакындагы жыйынында Москва Зимбабве президенти Роберт Мугабе шайлоо кампаниясынын номалдуу жүрүшүн бузганы үчүн ага каршы санкцияны колдоону убада кылган. Эми Кытай менен бирге кечээги жыйнында Орусиянын ошол резолюцияга вето салуусу, британ тышкы иштер министринин айтымында, "түшүнүүгө жатпай турган" нерсе.
БУУнун Коопсуздук кеңешинин Зимбабве боюнча резолюциясына вето салынышын Британия менен Орусия эки башка чечмелөөдө
