Өткөн шаршембиде орусиялык согуштук төрт учак Түштүк Осетиянын баш калаасынын үстүнөн 40 мүнөтчө чалгындоо жүргүзгөн. Муну орусиялык тарап ошол эле күнү моюнуна алып, «жагдайдын кандай абалда экенин тактоо үчүн жасалган кыска мөөнөттүк учуу экенин» ошону менен бирге «ал жердеги маселелерди өзүм билемдикке салып жаткан Тбилисинин тизгинин тартуу болду», - деп чечмелеген.
Грузиянын тышкы иштер министри Эка Ткешелашвили билдиргенге Караганда, мындай кадамдын артында акты-көктү көзгө илбей, ачык эле биздин жерди басып кирүү болду деген:
-Экинчи дүйнөлүк согуштан бери биринчи жолу баскынчылык ачык эле жасалды. Орусия Тышкы иштер министрлигинин билдирүүсү аркылуу кантип кирип барганын моюнуна алып, аны кандайча жүргүзгөнүнө дейре айтып берип отурат. Муну Орусия атайын чатак чыгаруу үчүн жасады. Биз дүйнөлүк коомчулукка кайрылып, адилеттик издейбиз. Ошону менен катар ал өлкөдөгү элчибизди кийики учурда өөрчүп бараткан жагдай боюнча баарлашууга чакыртып алабыз.
Өткөн бейшембиде Грузия өзүнүн Орусиядагы элчиси Эроси Кицмаришвилини Москвадан чакыртып алды.
Абхазия менен Түштүк Осетиядагы абалга терең кабатыр экенин ошондой эле орусиялык согуштук учактардын грузин аба мейкиндигин бузгандыгын жактырбай тургандынын Хавиер Солана Евробиримдиктин атынан билдирди.
АКШнын мамлекеттик катчысы Кондолиза Райс эки күндүк иш сапары менен Тбилисиде жүрүп, 9-июлда Орусияны бул чырды ырбатпай, кайра аны басууга салым кошууга үндөдү:
-Бул маселени тынчтык жолу менен чечүүгө болот деп ойлойм. Жакшы ымала жеке эле Грузия менен Орусиянын ортосунда эмес, грузин-абхаз мамилесинде да болушу керек. Абхазия келечекте жашоосу оңолоорун билгени жакшы.
Айрым гезит басылмалары бул маселеде «Грузиянын НАТОго мүчө болуу үчүн жасап жаткан аракеттерин АКШ мамкатчысы Кондолиза Райстын колдой тургандыгын уккандан кийин орусиялык ТИМ башчысы Лавров буга окшогон кадамдар - таанылбаган жумурияттар тегерегиндеги жаңжалдарды чечүүдө өтө чоң тоскоолодуктарга алып келээрин эскертти», - деп жазышты.
Грузиянын тышкы иштер министри Эка Ткешелашвили билдиргенге Караганда, мындай кадамдын артында акты-көктү көзгө илбей, ачык эле биздин жерди басып кирүү болду деген:
-Экинчи дүйнөлүк согуштан бери биринчи жолу баскынчылык ачык эле жасалды. Орусия Тышкы иштер министрлигинин билдирүүсү аркылуу кантип кирип барганын моюнуна алып, аны кандайча жүргүзгөнүнө дейре айтып берип отурат. Муну Орусия атайын чатак чыгаруу үчүн жасады. Биз дүйнөлүк коомчулукка кайрылып, адилеттик издейбиз. Ошону менен катар ал өлкөдөгү элчибизди кийики учурда өөрчүп бараткан жагдай боюнча баарлашууга чакыртып алабыз.
Өткөн бейшембиде Грузия өзүнүн Орусиядагы элчиси Эроси Кицмаришвилини Москвадан чакыртып алды.
Абхазия менен Түштүк Осетиядагы абалга терең кабатыр экенин ошондой эле орусиялык согуштук учактардын грузин аба мейкиндигин бузгандыгын жактырбай тургандынын Хавиер Солана Евробиримдиктин атынан билдирди.
АКШнын мамлекеттик катчысы Кондолиза Райс эки күндүк иш сапары менен Тбилисиде жүрүп, 9-июлда Орусияны бул чырды ырбатпай, кайра аны басууга салым кошууга үндөдү:
-Бул маселени тынчтык жолу менен чечүүгө болот деп ойлойм. Жакшы ымала жеке эле Грузия менен Орусиянын ортосунда эмес, грузин-абхаз мамилесинде да болушу керек. Абхазия келечекте жашоосу оңолоорун билгени жакшы.
Айрым гезит басылмалары бул маселеде «Грузиянын НАТОго мүчө болуу үчүн жасап жаткан аракеттерин АКШ мамкатчысы Кондолиза Райстын колдой тургандыгын уккандан кийин орусиялык ТИМ башчысы Лавров буга окшогон кадамдар - таанылбаган жумурияттар тегерегиндеги жаңжалдарды чечүүдө өтө чоң тоскоолодуктарга алып келээрин эскертти», - деп жазышты.
