Буш жана Гелани Ак үй короосунда кабарчылар менен болгон кездешүүдө АКШ жана Пакистан ислам согушчандарына каршы күрөштө мындан ары да чогуу аракеттенээрин билдиришти. Буш ошондой эле Пакистан Ооганстан жактагы чек арасын бекемдей алаарына ишенгенгенин айтты:
- Биз Ооган чек арасындагы коопсуздукту колдон келишинче жакшыртуу тууралуу сүйлөштүк. Пакистан бийликтери бул максатка жетүүнү чечкиндүү колдойт. Мен премьер-министрге Ооганстандагы демократиянын ийгилиги үчүн Кошмо Штаттар мүмкүн болгондун баарын жасаарын айттым. Коңшулаш өлкөдө тынчтыктын болуусуна Пакистан да кызыкдар.
Ак үйдөгү сүйлөшүүдөн бир нече саат илгери Пакистандын Ооганстан жак чек арасына жакын жердеги медресе ракетадан аткыланып, алты киши набыт болгон. Вашингтон өлгөндөрдүн ичинде согушчандарды химиялык жана биологиялык куралдарды жасоого үйрөткөн «ал-Каиданын» эксперти Абу Кабаб ал-Масри да болушу ыктымал деп маалымдады. Бул кабарды Пакистан армиясы төгүндөдү. Бирок Пакистандын чалгындоо кызматынын жетекчилиги ал-Масри набыт болду деген ишенимде экенин ырасмий эмес түрдө билдирген.
Президент Буш жана премьер-министр Гелани Ак үйдөгү маалымат жыйынында Түштүк Вазиристандагы ракета чабуулу жөнүндө сөз кылышкан жок. Анткен менен Гелани кийинчерээк Си-ен-ен телеканалына берген интервьюда ракета чабуулун урууну АКШ жеке өзү чечсе, бул Пакистандын күнкорсуздугун ачыктан ачык бузуу болорун эскертти. Пакистан экстремизмге каршы натыйжалуу күрөшүүсү үчүн эки өлкө чалгындоо маалыматтарын бөлүшкөнү оң, деп кошумчалады Гелани.
Буга дейре Пакистан уруулары жашаган аймактарга АКШлык авиация менен ракеталардан урулган соккулар пакистандыктарды нааразы кылып, Вашингтон-Исламабад арасындагы мамиленин осолдошуна алып барган.
Төрт айдан бери өкмөттү жетектеп жаткан Гелани Вашингтонго Пакистан-Кошмо Штаттар арасындагы мамилени жакшыртууну көздөп келген.
Жорж Буш ортодогу нараазылыкты жымсалдоо үчүн Пакистандын эгемендигин сыйлай турганын кабарчыларга астейдил эскертти. Буштун Пакистандын эгемендигин колдогону Геланини ыраазы кылды:
- Президент Бушка демократияны жана Пакистандын күнкорсуздугун колдогону үчүн, биздин көйгөйлөрүбүзгө жана эки арадагы кызматташууга көңүл бурганы үчүн ыраазычылык билдирем.
Гелани ошондой эле Пакистан өкмөтү мусулман экстремисттерин жок кылууга дилгир экенин, алар Пакистан элдик партиясынын лидери Беназир Бхуттонун өлүмүнө жооптуу экенин америкалыктардын эсине салды.
- Биз Ооган чек арасындагы коопсуздукту колдон келишинче жакшыртуу тууралуу сүйлөштүк. Пакистан бийликтери бул максатка жетүүнү чечкиндүү колдойт. Мен премьер-министрге Ооганстандагы демократиянын ийгилиги үчүн Кошмо Штаттар мүмкүн болгондун баарын жасаарын айттым. Коңшулаш өлкөдө тынчтыктын болуусуна Пакистан да кызыкдар.
Ак үйдөгү сүйлөшүүдөн бир нече саат илгери Пакистандын Ооганстан жак чек арасына жакын жердеги медресе ракетадан аткыланып, алты киши набыт болгон. Вашингтон өлгөндөрдүн ичинде согушчандарды химиялык жана биологиялык куралдарды жасоого үйрөткөн «ал-Каиданын» эксперти Абу Кабаб ал-Масри да болушу ыктымал деп маалымдады. Бул кабарды Пакистан армиясы төгүндөдү. Бирок Пакистандын чалгындоо кызматынын жетекчилиги ал-Масри набыт болду деген ишенимде экенин ырасмий эмес түрдө билдирген.
Президент Буш жана премьер-министр Гелани Ак үйдөгү маалымат жыйынында Түштүк Вазиристандагы ракета чабуулу жөнүндө сөз кылышкан жок. Анткен менен Гелани кийинчерээк Си-ен-ен телеканалына берген интервьюда ракета чабуулун урууну АКШ жеке өзү чечсе, бул Пакистандын күнкорсуздугун ачыктан ачык бузуу болорун эскертти. Пакистан экстремизмге каршы натыйжалуу күрөшүүсү үчүн эки өлкө чалгындоо маалыматтарын бөлүшкөнү оң, деп кошумчалады Гелани.
Буга дейре Пакистан уруулары жашаган аймактарга АКШлык авиация менен ракеталардан урулган соккулар пакистандыктарды нааразы кылып, Вашингтон-Исламабад арасындагы мамиленин осолдошуна алып барган.
Төрт айдан бери өкмөттү жетектеп жаткан Гелани Вашингтонго Пакистан-Кошмо Штаттар арасындагы мамилени жакшыртууну көздөп келген.
Жорж Буш ортодогу нараазылыкты жымсалдоо үчүн Пакистандын эгемендигин сыйлай турганын кабарчыларга астейдил эскертти. Буштун Пакистандын эгемендигин колдогону Геланини ыраазы кылды:
- Президент Бушка демократияны жана Пакистандын күнкорсуздугун колдогону үчүн, биздин көйгөйлөрүбүзгө жана эки арадагы кызматташууга көңүл бурганы үчүн ыраазычылык билдирем.
Гелани ошондой эле Пакистан өкмөтү мусулман экстремисттерин жок кылууга дилгир экенин, алар Пакистан элдик партиясынын лидери Беназир Бхуттонун өлүмүнө жооптуу экенин америкалыктардын эсине салды.
