4-августтан тарта Ысык-Көлдө башталган илимий конференцияны АКШдагы Гарвард университетинин Борбор Азияны иликтөө коому менен Борбор Азиядагы Америка университети биргелешип уюштурган. Иш-чарага чет элдик жана жергиликтүү окумуштуулар, илим изилдөөчүлөр, талдоочулар менен студенттер катышып, бул аймактагы илимий кызыгууну жараткан кеңири багыттагы маселелер талкуулашууда. Адатта Гарвард университети демилгечиси болгон бул эл аралык илимий конференция жыл сайын АКШнын шаарларынын биринде өтүп келген. Кыргызстанда биринчи жолу уюштурулду. (EBM)
