Ооганстанда НАТОнун куралдуу күчтөрү Кабулдан 50 чакырым чыгышта талиптик жоочулар менен кагылышты. Эл аралык аскер күчтөрүнүн айтымында, кагылышуу 18-августта Сароби ооданында жоочулар патрулдарды буктурмага алганда башталган. Франциянын коргоо министрлигинин маалыматында, бул салгылашууга француз аскер күчтөрү да катышып жатканы айтылат. Жергиликтүү оодандын акими Казы Сулайман салгылашууда 13 талип жоочусу өлтүрүлгөнүн билдирди. Талиптердин өкүлү тараткан маалыматта эл аралык каскер күчтөрүнүн бир нече согуштук унаасы жардырылганы айтылат.
