НАТОнун баш катчысы Яап де Хооп Схеффер Молдовадан аскерлерин жана куралдарын чыгарып кетүүгө Москваны чакырды. Кишиневго кыска сапар менен келген НАТОнун баш катчысы ЕЕКУнун 1999-жылы Стамбулда болгон жыйынында Россия Приднестровье аймагынан аскерлерин чыгарып кетүүгө убада бергенин эскертти. Бул убаданы аткарууну талап кылган Батыштын чакырыктарына карабай Россия Приднестровьеде 1.5 миң аскер жана белгисиз өлчөмдө жеңил курал-жаракты кармап турат.
