БУУнун Башкы катчысы Ооганстандагы балдардын келечегине бушайман

Бириккен Улуттар Уюмунун баш катчысы Пан Ки Мун Ооганстандын өкмөтү жана куралдуу топтор өспүрүмдөрдү согушка тартып, “аларды кыянаттык менен пайдаланып жатканын” айтты. Анын айтымында, айрым учурларда талиптер өспүрүмдөрдү жанкечтилерге айлантып жатат. Башкы катчы БУУнун Коопсуздук кеңешинде Ооганстандагы согуш жана балдарга арналган докладында эл аралык коомчулукту жана ооган өкмөтүн өспүрүмдөргө карата жасалып жаткан зордук-зомбулук проблемасына олуттуу көңүл бурууга чакырды.