Бул тууралуу билдирген басылманын башкы редактору Бабырбек Жээнбековдун айтымында, акыркы эки жылдан бери журналисттердин коопсузудугуна чоң коркунуч жаралды. “Кийинки кездерде биздин мамлекетте журналисттердин коопсуздугун камсыз кылуунун ордуна тескерисинче куугунтукка алуу, эркин сөздү ооздуктоо сыяктуу көрүнүштөр күчөдү. Мындай көрүнүш Кыргызстандын эл аралык аброюна жаман көлөкө түшүрүп жатат”,-деди Жээнбеков. Ал ошондой эле “Ачык саясат” гезити мамлекетти ММК өкүлдөрүнүн коопсуздугун милдеттүү түрдө камсыз кылууга чакырган кайрылуу жолдоорун белгиледи. (AJ)
