Парламенттин коргоо, коопсуздук, укук жана соттук-укуктук реформалар боюнча комитетинде КР тышкы иштер министри Кадырбек Сарбаев маалымат берди. Анын айтуусунда “Манас” аба майданында түзүлө турган АКШнын транзиттик-логистикалык базасына уруксат берүү - Ооганстандагы жана Пакистандагы кырдаалдын курчушуна ылайык мезгилдин талабы болуп эсептелет. Министр белгилегендей бул базага байланыштуу жаңы келишим түзүлүп, анда жаңы шарттар каралган. Алардын ичинен базанын персоналдары үчүн атайын административдик-техникалык макам берилет, бирок бул макам алардын кызматына байланыштуу гана күчкө ээ боло алат, дейт тышкы иштер министри.(ZKo)