Эл аралык валюта корунун кезектеги миссиясы бүгүнтөн тарта Кыргызстанда иштей баштады. Миссиянын жетекчиси, ЭВФтин Жакынкы Чыгыш жана Орто Азия боюнча бөлүмүнүн башчысынын орун басары Надим Илахи бүгүн өкмөт башчы Игорь Чудинов менен жолугушат. Бул тууралуу ЭВФтин Бишкектеги бөлүмүнөн кабарлашты. Эки жумага созула турган иши учурунда миссия Кыргызстан экономикасына дүйнөлүк кризистин таасирин, өлкөнүн экономикалык абалын өкмөт жана Улуттук банктын жетекчилиги менен талкуулайт.(AiT)
