Ташкенде аяктаган Шанхай Кызматташттык Уюмунун жыйынында Ислам Каримов кыргыз элине тилектештик билдирип, уюмдун лидерлери Кыргызстанга көмөк көрсөтүү даяр экендигин билдирди. Ал эми орус президенти Дмитрий Медведев жаңжалды дароо токтотууга үндөп сүйлөдү. АКШнын Бишкектеги элчилиги тынчсыздануу билдирип, кырдаалды тынчтык жолдор менен жөнгө салуу керектиги айтылган билдирүү таркатты. Европадагы Коопсуздук жана Кызматташттык Уюму Түштүк Кыргызстандагы кан төгүүгө өкүнүч билдирип, сабырдуулукка жана тынчтанууга чакырды.