Экс-президент Курманбек Бакиев Кыргызстандын түштүгүндөгү этникалык араздашууга эч кандай тиешеси жок экенин билдирди жана андай маалыматтарды “уятсыз калп” деп атады. Бакиевдин Интернеттеги сайтына хакерлер чабуул жасап, билдирүүсүн анын карикатуралык сүрөтү менен алмаштырып коюшту. Сүрөттүн четинде “Сага жана сенин бандиттериңе өлүм” деген сөз орус жана кыргыз тилдеринде жазылган.
