Бириккен улуттар уюмунун баш-катчысы Пан Ги Мун “Иранга каршы төртчүнчү ирет санкция киргизилгенине карабай, өзөктүк программа боюнча сүйлөшүүнү улантууга” чакырды. Буга чейин Президент Махмуд Ахмединежад анын өлкөсү өзүнүн өзөктүк программасы боюнча Батыш менен сүйлөшүүгө августтун этегине чейин барбай турганын айткан. Мунун себебин ал жакында Тегеранга каршы Бириккен улуттар уюму тарабынан санкция киргизилгени менен түшүндүрүп, “Батышты тартипке чакырыш үчүн Иран сүйлөшүүлөрдү кийинкиге жылдырганын” билдирген.
