Ошто атайын кызматтардын машыгуусу өтөт

Өлкө башчы Роза Отунбаева бүгүн Ошто 13 мамлекеттин өкүлдөрү менен бирге атайын кызматтардын машыгуусуна катышары күтүлүүдө.

Буга чейин өлкө башчы эки күндүк иш сапарынын алкагында Баткен облусунун Өзбекстан, Тажикстан өлкөлөрү менен чектеш аймактарын кыдырып, чек ара бөлүктөрүнүн техникалык мүмкүнчүлүгү, чек арачылардын жашоо шарты менен таанышкан. Облус тургундары менен жолугушуп, жол, таза суу, чек ара маселелери боюнча пикир алмашкан. (КЕ)