Сирияда согушкер ондой адамды өлтүрдү

Хомс шаарынан алыс эмес жерде согушкер жүргүнчүлөрү бар автобусту аткылаганын «Рейтер» агенттиги билдирет. 10 киши дароо набыт болгон. Дарыгерлердин маалыматында, ок өтө жакын аралыктан чыккандыктан, адамдар баш, көкүрөк жана ичинен жараат алышкан.

Автобустун ичинде Ливанда иштеп келаткан сириялыктар болгон. Жекшембиде өкмөттүк күчтөр Хомс шаарында массалык каршылык акциясын басуу чараларын көргөн.