Исландияда атылган жанар тоонун күлү Түндүк Ирландия, Шотландия жана Скандинавиянын үстүнө булуттай жайылууда. Мындан улам бүгүн 500дөй аба каттамы токтотулушу мүмкүн. Евроконтролдун Брюсселдеги баш кеңсесинин билдиришинче, күлгө байланыштуу 252 авиакаттам токтотулган. Бирок, эксперттердин айтымында, бул жолу Исландияда атылган жанар тоо былтыркыдай алты күн бою асманды каптап, авиакаттамдардын учуу ыраатына бүлүк салбайт дешет.
