Венадагы жыйындан кийин Мунай өндүрүүчү 12 мамлекеттин ОПЭК уюмунун баш катчысы Абдулла ал-Бадри кабарчыларга уюмдун мүчөлөрү өз ара мунасага жете албагандыгы себептүү, келерки үч айда өндүрүштүн деңгээли азыркыдай кала берээрин билдирди. Бул жарыядан кийин мунайдын баасы «секирик» жасап, кара майдын баррели 1.25 долларга кымбаттады. Ошону менен келерки айда ал 100 доллар 34 центтен сатыла турган болду.
