2010-жылдын июнь коогалаңында каза болгон 21 адамдын ким экени али күнчө аныктала элек. Алардын ДНК анализдери Москвада да, Кытайда да текшерилип, эч жыйынтык болбой калганын бүгүн парламенттин жыйынында вице-премьер-министр Ибрагим Жунусов билдирди. Анын айтымында, 21 адамдын дайыны жок. Былтыр Ош жана Жалал-Абад облустарында тутанган кыргыздар менен өзбектердин ортосундагы жаңжалдын айынан 447 адам каза болгону расмий айтылууда.
