Бишкекте кыргыз-казак инвестициялык форум өтүп жатат. Кабарчыбыздын маалымдашынча, анда биргелешкен инвестициялык кор түзлгөнү маалым болду. Фонддун кеңсеси ушул айдан баштап Бишкекте иштей баштады. Ишкерлер бизнес-долбоорлору менен бул корго кайрылса болоору айтылды. Кордун каржылык көлөмү 100 миллион долларды түзөт. Кыргыз өкмөт башчысынын милдетин аткаруучу Өмүрбек Бабановдун билдиришинче, анын 99 миллионун казакстандык "Самрук-Казына" улуттук кору бөлүп берет, калган 1 миллион долларлык салымын кыргыз өкмөтү чыгарат. (ZB/RK)