Ноябрь айына карата Ош шаарынын электр энергиясына карызы 114 миллион 868 миң сомду түздү. Бул тууралуу “Азаттыкка” шаардык Электр энергиясын сатуу мекемесинен билдиришти. Маалыматка ылайык, карыздын 48 миллион 714 миң сому калктуу конуштарга, 66 миллион 154 миң сому мекеме, ишканаларга таандык. Алардын арасынан мамлекеттик ишканалардын мойнунда 8 миллион 121 миң сом илинип турат. (SE/RK)