Парламенттеги башкаруучу коалицияга кирген “Ата-Мекен” фракциясы энергетикалык каатчылыктын себептерин иликтеп, тиешелүү жетекчилерди жоопкерчиликке тартуу демилгесин көтөрүп чыгаарын жарыялады. Фракция мүчөлөрү мурдагы бийлик режимдеринин тушунан бери келе жаткан энергетика тутумундагы коррупциялык схемалар каатчылыктын орун алышына себеп болууда деп эсептешет. Энергетиктер болсо катуу сууктун айынан электр кубаттуулугу көп пайдаланылып, жабдуулар туруштук бере албай жаткандыгын айтышууда. (KJ/RK)
