Орусиянын Биринчи каналы президенттикке талапкер Владимир Путинге кол салуу даярдалганын, аны Орусия жана Украинанын атайын кызматтары алдын алууга жетишип калганын кабарлады. Маалыматта айтылгандай, Одессада эл аралык издөөдө жүргөн бир нече адам кармалган. Алар президенттик шайлоодон кийин Путинге кол салууга даярданып жатышканы тууралуу көрсөтмө беришкен. Бул маалыматты Путиндин маалымат катчысы да жокко чыгарган жок.
