НАТО жетектеген бейпилдик күчтөрү ооган аскерлери менен атышууда Түндүк альянстын 2 жоокери набыт кеткенин билдирди. Билдирүүгө караганда, Ооганстандын улуттук армиясынын формасын кийген бирөө жана дагы бир аскерий эмес киши ок ачышкан. Окуя Ооганстандын түштүгүндө болгону айтылып, мындан башка маалымат берилген жок. Өткөн ишембиде жергиликтүү чалгындоо кызматынын өкүлү Ооганстандын ички иштер министрлигинде АКШнын 2 офицерин атып кеткен.
