Базар-Коргондун Кеңеш айыл округуна жардам берүү үчүн 8-майда 50 куткаруучу иштеди. Айылда жарандык коргонуу комиссиясы иштөөдө. Аталган айылдын аймагында 7-майда болгон селдин айынан миңге жакын короо-жайды суу каптаган. Айылда 28-апрелде да сел жүргөн. Бүгүнкү күндө ошондо жабыркаган үйлөрдүн 25и тазаланды. Андан тышкары он беш чакырымдык ички чарбалык жол менен беш чакырымдык ички арыктар тартипке келтирилди.(YA/RK)
