Бишкекте селден бир адам жабыркады

Бишкекте 19-майда кечинде жааган нөшөрдөн айрым жерлерди сел каптап, бир адам жабыркады. Өзгөчө кырдаалдар министрлигинен кабарлашкандай, Абдрахманов көчөсүндө жайгашкан тигүү цехине суу кирип, 20 жаштагы Сүйүнбек кызы Алтынай жабыркаган. Ага алгачкы медициналык жардам көрсөтүлдү. Куткаруучулар цехти суудан тазалап беришти.

Ошондой эле Орок, Арча-Бешик жаңы конуштарында 40ка жакын үйдү сел каптады. (RK)