Эки күн мурун нөшөр жаандан улам Филиппиндин борбор калаасы Маниланы суу каптап, кырсык кеминде 19 адамдын өмүрүн алган. Учурда бийликтер жаратылыш кырсыгынан жабыркаган 2 млн. тургунга азык-түлүк жеткирүү үчүн ыктыярчылардан көмөк сурап кайрылууда. Маниладан качып чыгып, кайра өз үйүнө кайткан жарандар кечээ кайрадан нөшөр жаанда үйлөрүн таштап качууга аргасыз болушту. Жабырлануучулар азыр борбордогу мектеп, спорт залдарга баш калкалоодо.
