Бенгази шаарында бүгүн эртең менен демонстранттар согушкерлер менен кагылышканда бери дегенде 10 кишинин өмүрү кыйылды. Кечээ он миңдеген шаар тургундары көчөгө чыгып, исламчылардын ашынып бараткандыгына нааразылык билдиришкен эле. Экстремисттик "Ансар ал-Шария" тобунун маалымат катчысы "шаарда тынчтыкты сактоо" үчүн Бенгазиден чыгып кетишкенин билдирди. Бул топ Бенгазидеги америкалык элчиликке кол салууга аралашкан деп шектелүүдө. Ал кол салууда америкалык элчи менен катар дагы үч америкалык жаран набыт болгон. Жүздөгөн исламчыл экстремисттер бүгүн өздөрүнүн акциясын өткөрүштү.
