Орусияда "Этнодүйнө: чеберлер жана кол өнөрчүлүк" фестиваль өттү. Ага катышкан 17 өлкөнүн катарында кыргызстандык чеберлер да бар. Бул маданий иш-чара Калуга облусундагы "Этнодүйнө" билим берүү жана маданий борборго жайгаштырылган. Бул борбор кыргыз боз үйүнөн таасирленген орусиялык ишкер Руслан Байрамов 2004-жылы түптөгөн. Азыр ал жерде жайгашкан 48 өлкөнүнүн улуттук жасалгалуу бөлмөлөрүн, кыргыздын он жети боз үйүн кызыгып, көргөндөр аз эмес. Алардын бири Москва мамлекеттик лингвистика университетинин кыргыз тили жана маданияты борборунун жетекчиси, филология илимдеринин кандидаты Байтерекова Жеңишгүл "Азаттыкка" өз таасирлерин айтып берди.