Пакистандын түндүк-батышында талип согушкерлери аскердик постко кол салып, аз дегенде 6 полициячы мерт болду. Расмий маалыматка ылайык, 14-октябрдын кечинде Матани шаарчасындагы постко пулемет, граната жана автоматтар менен куралданган 100 чакты жоочу жапырык жасашкан. Талибандын маалымат өкүлү “Азаттыктын” Пакистан кызматына берген интервьюсунда чабуулду кыймыл уюштурганын ырастады. Полиция ок атышууда согушкерлер да чыгымга учураганын билдирди.
