Бишкекте айрым көчөлөрдө унаа кыймылы чектелет

Жол-кайгуул кызматынан кабарлашкандай, 4-5-декабрь күндөрү Шанхай кызматташтык уюмунун өкмөт башчыларынын Бишкек жыйынына байланыштуу кээ бир көчөлөр кыска мөөнөткө жабылат.

Ага ылайык, 4-декабрда эртең мененки 10дон, 14.30га чейин, 5-декабрда эртең мененки 8ден, 9га жана 13.30дан 17.30га чейин Бишкек-Манас аэропортунун жолу жабылат.

Ошондой эле бул күндөрү Фучик, Жибек-Жолу, Киев, Манас, Ахунбаев, Чүй жана Совет көчөлөрүндө кыймыл кыска мөөнөткө чектелет. (EBM)