Караколдун №3 тергөө абагында кармалган 50дөй адам бүгүн эртең мененден тарта тамактан баш тартып, ачкачылык жарыялашты. Мындай маалыматты Жаза аткаруу кызматынанан тастыкташты. Кызматтын өкүлү Элеонора Сабатарованын айтымында, ачкачылык жарыялагандар айрым камераларды ачууну, тамак-ашты, кармоо шарттарын жакшыртууну талап кылышууда. Учурда тергөө абагынын кызматкерлери абактагыларга түшүндүрүү иштерин жүргүзүшүүдө. (BkA)
