Ноокаттын ички жолдорун оңдоого 12 млн сом бөлүндү

Бул тууралуу Ош облусундагы коомдук саясий абал боюнча координациялык кеңештин жыйынында Ош - Сары-Таш - Эркеч-Там жол башкармалыгынын башчысы Улукбек Курманбеков билдирди. Анын айтымында, Ноокат шаарынын ички жолдорун оңдоого мамлекет тарабынан 12 млн. сом бөлүндү. 1-мартта тендер өткөрүлүп, апрель айынан баштап жолду ремонттоо иштери жүргүзүлөт.

Буга чейин Ош-Ноокат жолунун жана Ноокат районунун ички жолдорунун сапатына карата нааразылыктар, жол тосуулар тынбай чыгып келген. (ErN)