Азербайжан: Бийликтеги партия Алиевди президенттикке кайра көргөздү

“Жаңы Азербайжан” партиясынын бүгүнкү бешинчи курултайында президент Илхам Алиев партиянын төрагалыгына кайра шайланды, ал эми анын жубайы Мехрибан Алиева партия төрагасынын орун басарларынын бири болду.

Азербайжанда президенттик бийликти 2003-жылы атасынан мурастап калган Илхам Алиевдин бийликтеги экинчи мөөнөтү октябрда аяктайт.

2009-жылы Конституцияга киргизилген өзгөрүү Алиевдин үчүнчү мөөнөткө барышына жол ачкан.

Азербайжан оппозициясы жана укук коргоочулар Алиевди мамлекеттик иштерде жек-жаатчылыкка жол берген, өлкөнүн байлыгын жана ресурстарын бир үй-бүлөнүн колуна топтогон, жарандардын укугун такай бузуп келеатат деп айыпташат.

Азербайжанда быйылкы президенттик шайлоо октябрь айында өтөт. (UE)