Премьер-министр Жантөрө Сатыбалдиев тергөө органдарына 13 адам каза болгон Жети-Өгүздөгү авто кырсыктын себебин териштирүүнү тапшырды. Бул тууралуу өкмөттүн маалымат кызматынан кабарлашты. Ошондой эле өкмөт башчы Өзгөчө кырдаалдар, Саламаттыкты сактоо министрликтерине жана өкмөттүн Ысык-Көлдөгү өкүлчүлүгүнө кырсыктан жабыркагандарга жардам көрсөтүү тапшырмасын да берген.
Кечээ Караколдон Жети-Өгүздүн Кабак айылына багыт алган кичи автобус жол кырсыгына учурап, 13 адам каза тапкан. Дагы 9 адам ар кыл жараат менен ооруканада. Алдын-ала божомолдор боюнча кырсыкка кичи автобустун айдоочусу катуу ылдамдыктан улам унааны башкара албай калганы себеп болушу мүмкүн экени айтылууда. (BkA)
Кечээ Караколдон Жети-Өгүздүн Кабак айылына багыт алган кичи автобус жол кырсыгына учурап, 13 адам каза тапкан. Дагы 9 адам ар кыл жараат менен ооруканада. Алдын-ала божомолдор боюнча кырсыкка кичи автобустун айдоочусу катуу ылдамдыктан улам унааны башкара албай калганы себеп болушу мүмкүн экени айтылууда. (BkA)