Араванда базар күйүп кетти
Ош облусунун Араван районундагы чоң базардын мөмө-жемиш саткан бөлүгү күйүп кетти. Кабарчыбыздын окуя болгон жерден кабарлашынча, күйүп кеткен 1,5 миң чарчы метрлик аянтта мөмө-жемиш менен кошо азык-түлүк, курулуш материалдары сатылчу. Ошол эле жерде тигүү цехи бар болчу. Жалпысынан 100дөй соода оруну катталган. Кырсыкка электр зымдарынан чыккан от себеп болгону айтылууда. Өрткө каршы кызматы 500 чарчы метр жер күйгөнүн, адам өмүрүнө зыян тийбегенин жана окуянын себеби тактала электигин айтууда. (Ыдырыс Исаков)