Президент Владимир Путин бүгүн Орусиянын парламентинин биргелешкен жыйынында кайрылуу жасайт. Ал Бишкек убактысы боюнча саат 14:00дө башталары белгиленген. Дүйшөмбү күнү Владимир Путин Крымды көз карандысыз мамлекет деп таануу жөнүндөгү жарлыкка кол койду. Бул жарлык Крым парламенти Украинадан көз карандысыздыгын жарыялагандан бир сааттан кийин чыкты. Вашингтон жана Брюссел дүйшөмбү күндөн тарта Орусиянын курал-жарак чыгаруучу компанияларына, расмий адамдарына каршы санкция киргизилгенин жарыялады. (AiT)
