Түркиянын өкмөт башчысы Эрдоган жекшемби күнү жергиликтүү кеңештерге шайлоодо жеңишке жетишкенин билдирди. Шайлоонун биринчи жыйынтыктары көрсөткөндөй Эрдоган жетектеген "Адилеттүүлүк жана өнүктүрүү" партиясы 44-46% добуш, ал эми оппозициялык партия 23-28% добуш алды. Өз партиясынын Анкара шаарындагы кеңсесинен миңдеген тарапкерлерине сүйлөгөн Эрдоган аны коррупция боюнча айыптагандар жалган кептердин "кунун төлөйт" деген.