Каталонияда дене тарбия институтунда окуган студенттер: Роджер Эстив, Серджи Церезо жана Ана Седано өз мекенинен Кыргызстанга “Фольксваген” үлгүсүндөгү тез жардам унаасын белек кылышты. Алар аталган унааны 26 күн ичинде Каталониядан бери алмак-салмак айдап келишкен. Кайрымдуу студенттер аталган унааны борбордогу Эне жана баланы коргоо борборуна тапшырышты. Алар ошондой эле унаасына спорттук шаймандарды сала келишкен. Спорттук кийимдер Нарындын жана Ысык-Көлдүн мектеп окуучулурана жардам катары берилет.