Бразилиядагы нааразылык
Сан-Паулу шаарындагы демонстранттарды полиция көздөн жаш агызган газ чачып, желим октор менен аткылап таркатты. Дүйнөлүк чемпионат башталар алдында жүздөгөн кишилер чыгып, спорттук иш-чарага эбегейсиз көп акча кеткенине нааразылык билдиришти. Рио-де-Жанейро шаарында демонстранттар телестудияны талкалашты. Нааразылык акциялар Бразилиянын чоң шаарларында өтүүдө. Дүйнөлүк чемпионатты өткөрүүгө 11 млрд. доллар сарпталды. Ошол эле маалда саламаттык сактоого, билим берүүгө жана коомдук транспорт тармактарын каржылоо экинчи орунга жылып калганы карапайымдардын нааразылыгын жаратууда.