Өзбекстанда Мамлекеттик бажы комитетинин 100дөй кызматкери коррупцияга катыштыгы бар деп шектелип камакка алынганы маалымдалды.
27-июнда Umetronom.com сайты кабарлаганга караганда, камакка алуулар Өзбекстандын улуттук коопсуздук кызматы тарабынан жүргүзүлгөн.
Буга чейин Ташкендеги булактар Бажы кызматынын аткезчиликке каршы башкармалыгынын акими Азиз Абдурахманов, анын орун басары Азиз Хасанов июнь айынын башында камакка алынганын “Азаттык” радиосуна билдиришкен.
Өзбек өкмөтү камакка алуулар боюнча ырасмий билдирүү жасай элек.
